Օմանի Սուլթանության մայրաքաղաք Մասկատում Հայաստանի Հանրապետությունը դեսպանություն կհիմնի։

Որոշման նպատակն է ամրապնդել Հայաստանի և Օմանի միջև քաղաքական, տնտեսական և մշակութային հարաբերությունները։ 

ՀՀ արտաքին գործերի նախարարության ներկայացրած նախագծում ընդգծվում է, որ վերջին տարիներին նկատվում է ակտիվ համագործակցություն Հայաստանի և Ծոցի արաբական երկրների, այդ թվում՝ Օմանի հետ։ 

Նախագծով առաջարկվում է դեսպանության հիմնումը իրականացնել՝ հաշվի առնելով Օմանի դերը տարածաշրջանում որպես չեզոք և հավասարակշռված քաղաքականություն վարող պետություն։

Դեսպանության բացման և առաջին տարվա գործունեության համար ընդհանուր ծախսը կկազմի մոտ 133.8 միլիոն դրամ (345.7 հազար դոլար)։