Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, ինչպես նաև Մեծ Բրիտանիայի և Լեհաստանի վարչապետներ Քեյր Ստարմերը և Դոնալդ Տուսկը ժամանել են Կիև՝ մասնակցելու այսպես կոչված «կամավորների կոալիցիայի» հանդիպմանը, հաղորդում է ուկրաինական «Public» հեռուստաալիքը։

Ավելի վաղ ուկրաինական լրատվամիջոցները հայտնել էին, որ Վլադիմիր Զելենսկին հայտարարել է, որ շաբաթ օրը Ուկրաինայում կկայանա «կամավորների կոալիցիայի» առաջնորդների հետ հանդիպում։

«Ֆրանսիայի նախագահ Մակրոնը, Լեհաստանի և Մեծ Բրիտանիայի վարչապետներ Տուսկն ու Ստարմերը, ինչպես նաև Գերմանիայի կանցլեր Մերցը ժամանել են Կիև՝ այսպես կոչված «կամավորների կոալիցիայի» հետ հանդիպելու համար», - ասվում է «Public» Telegram ալիքում հրապարակված հաղորդագրության մեջ։

Եվրոպացիներին կայարանում դիմավորել են Վլադիմիր Զելենսկու գրասենյակի ղեկավար Անդրեյ Երմակը և Ուկրաինայի արտաքին գործերի նախարարության ղեկավար Անդրեյ Սիբիգան։