Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան նշում է, որ ԵԱՀԿ Մինսկի խմբի ձևաչափը պատմության աղբանոց է նետվել։

«Եթե որևէ մեկը խաթարել է հայ-ադրբեջանական կարգավորման ջանքերը, ապա դա արևմտյան երկրներն են՝ ԱՄՆ-ի գլխավորությամբ։ ԵԱՀԿ Մինսկի խմբի ձևաչափը պատմության աղբանոց է նետվել այն բանից հետո, երբ ամերիկացի և ֆրանսիացի համանախագահները 2022-ի փետրվարին մտացածին պատրվակով դադարեցրել են փոխգործակցությունը ռուս գործընկերոջ հետ։ Հստակ բացատրություն չկար, թե ինչու»,- հայտարարել է նա։