Bloomberg-ը կազմել է 2023 թվականի աշխարհի ամենահարուստ ընտանիքների վարկանիշը.

Աշխարհի ամենահարուստ ընտանիքների վարկանիշը, ըստ Bloomberg-ի, առաջին անգամ գլխավորել է Աբու Դաբիի (ԱՄԷ յոթ էմիրություններից մեկը) շեյխերի և էմիրների իշխող դինաստիան՝ ալ-Նահյան՝ 305 միլիարդ դոլար կարողությամբ։

Գործակալությունը նշել է, որ ալ-Նահյանների ընտանիքը «տասնամյակներ շարունակ կառավարել է այն, ինչ այժմ ԱՄԷ-ն է»։ Նրանք նշել են, որ այսօր ընտանիքի ներկայացուցիչները բարձր պաշտոններ են զբաղեցնում ԱՄԷ-ում։ Մասնավորապես, Շեյխ Մուհամեդ բեն Զայեդ ալ-Նահյանը երկրի նախագահն է, իսկ ազգային անվտանգության հարցերով խորհրդական շեյխ Թահնուն բեն Շահբութ ալ-Նահյանը վերահսկում է ակտիվները՝ ինչպես անձնական, այնպես էլ ինքնիշխան, որոնք կազմում են գրեթե 1,5 տրիլիոն դոլար:

Bloomberg-ի վարկանիշային աղյուսակում երկրորդ տեղը զբաղեցրել է Ուոլթոնների ընտանիքը (չորս տարի անընդմեջ գլխավորում էր վարկանիշային աղյուսակը), որին պատկանում է Walmart մեծածախ և մանրածախ առևտրի համաշխարհային ցանցը։ Գործակալությունը ընտանիքի կարողությունը գնահատել է 259,7 միլիարդ դոլար, որը մեկ տարվա ընթացքում աճել է 35,2 միլիարդ դոլարով: Walmart-ը հիմնադրել է գործարար Սեմ Ուոլթոնը 1962 թվականին: Այժմ ամբողջ աշխարհում խանութների թիվը գերազանցում է 10,5 հազարը, ընկերության հասույթը կազմում է 611,3 մլրդ դոլար։Ուոլթոնների ընտանիքին է պատկանում ցանցի բաժնետոմսերի 46%-ը։

․Ֆրանսիական Hermes նորաձեւության տան սեփականատերերը՝ $150,9 մլրդ (գումարած $56,3 մլրդ տարեկան) ունեն։

․Mars ընտանիքը, հրուշակեղենի և պահեստային արտադրանք արտադրող Mars-ի սեփականատերերը՝ $141,9 մլրդ (մինուս $18,1 մլրդ)։

․Կատարի շեյխերի և էմիրների իշխող դինաստիան՝ 133 միլիարդ դոլար (առաջին անգամ վարկանիշում)։

․Կոխների ընտանիքը, ամերիկյան նավթաքիմիական Koch Industrues կորպորացիայի սեփականատերերը՝ 127,3 միլիարդ (գումարած 2,9 միլիարդ դոլար)։

․Սաուդյան Արաբիայի թագավորական ընտանիք Ալ Սաուդը՝ 112 միլիարդ դոլար (գումարած 7 միլիարդ դոլար)։

․Ամբանի ընտանիքը, հնդկական նավթի արդյունահանման և վերամշակման Reliance Industries հոլդինգի սեփականատերերը՝ 89,9 միլիարդ դոլար (գումարած 5,5 միլիարդ դոլար)։

․Wertheimer ընտանիքը, ֆրանսիական Chanel նորաձեւության տան սեփականատերերը՝ $89,6 մլրդ (գումարած $10,6 մլրդ)։

․Թոմփսոնների ընտանիքը, տեղեկատվության վերահսկիչ փաթեթի սեփականատերեր։