Համարվում է, որ հանրաճանաչ մարդիկ ամենամեծ հաջողությունն են վայելում կանանց շրջանում՝ դերասաններ, երաժիշտներ և այլն: Ստորև բերված ցանկում կարող եք տեսնել մարդկանց, ովքեր առնչություն չունեն արվեստի հետ, բայց հենց նրանք են պատմության մեջ մտել որպես ազնվական տիկնանց սիրելի տղամարդիկ։

1․ Ֆիդել Կաստրո. լուրեր էին պտտվում, որ ուներ 35000 կին: Դուք հավանաբար կարծում էիք, որ աշխարհի մեծագույն կնամոլների ցուցակը կսկսվի դերասանից կամ փոփ աստղից, բայց դուք սխալվում եք: Կուբայի բռնապետ Ֆիդել Կաստրոն, իբր, իր կյանքում քնել է 35 հազար կնոջ հետ։ Ըստ Կաստրոյի վարչակազմի պաշտոնյայի՝ նա չորս տասնամյակ շարունակ օրական ունեցել է առնվազն երկու կին՝ մեկը ճաշի, մեկը՝ ընթրիքի, և երբեմն նույնիսկ պատվիրել է մեկին նախաճաշի համար: Թեև կարող են կասկածներ լինել վերը նշված թվի ճշգրտության վերաբերյալ, կասկած չկա, որ Կաստրոյի համախոհների թիվը հասնում է հազարների: Երբ 1993-ին Աննա Լուիզ Բարդախը հարցրել է նրան, թե քանի երեխա ունի, նա պատասխանել է. «Գրեթե մի ցեղ»: Իր գրքի համար հետազոտություններ կատարելիս Բարդախն իմացել է Կաստրոյի ուժեղ գրավչության մասին հակառակ սեռի նկատմամբ 1959 թվականի հեղափոխությունից առաջ և հետո։  Կաստրոն Բարդախին բացատրել է, որ ինքը սեքսը դիտարկում է որպես անօտարելի իրավունք։ Բարդախն ասել է. «Ես երբեք չեմ կարողացել նրան բացատրել, թե ինչու է ծագել Քլինթոնի և Մոնիկա Լևինսկու հետ սկանդալը: Նա իսկապես տարակուսած էր, որ չափազանց շատ ընկերուհիներ ունենալը կարող է հանգեցնել քաղաքական որևէ հետևանքի»։

2. Ուիլթ Չեմբերլեն. 1991 թվականին թողարկված իր՝ «Տեսարան վերևից» գրքում NBA-ի սուպերաստղը պնդում է, որ ինքը եղել է 20,000 կանանց հետ: Դեռահաս տարիքում ամաչկոտ և անվստահ Ուիլթը հասուն տարիքում դարձել է հաջողակ: Ոմանք նրան հիշում են որպես հարգալից և հմայիչ մարդու, իսկ ոմանք մեղադրում են կոպիտ և սեքսիստ լինելու մեջ։ Որտեղի՞ց է հայտնվել 20000 թիվը: Ուիլթի ընկեր Ռոդ Ռոդևիգը 10 օր ապրել է Ուիլթի հետ իր պենտհաուսում 80-ականների վերջին։ 10 օր շարունակ Ռոդը նշել է իր ընկերոջ յուրաքանչյուր «ավարը»: Այս աուդիտի ավարտին գրանցվել է 23 կին կամ օրական 2,3 կին: Այս թիվը կիսով չափ բաժանվեց, հետո բազմապատկվեց Ուիլթի ապրած տարիների թվով՝ հանած նրա կյանքի առաջին 15 տարիները։  

1999 թվականին, 62 տարեկան հասակում իր մահից անմիջապես առաջ, Ուիլթը զղջացել է, և աղաչել է մյուս տղամարդկանց չկրկնել իր «սխրագործությունները»: Նա զգում էր, որ երկար ժամանակ մեկ կնոջ հետ լինելն ավելի գոհացուցիչ է երկարաժամկետ հեռանկարում:

3. Ջեյ Հոքինս. «Scream» Jay Hawkins - 57 երեխաների հայր

Մինչ իր մահը 2000 թվականին,  բլյուզ երգիչ Ջեյ Հոքինսը մտերիմ ընկերներին և իր կենսագիր Մարալ Նիգոլյանին ասել է, որ ինքը 57 երեխաների հայր է:  Հոքինսը լեգենդար կյանք է վարել որպես կանանց տղամարդ։ Մի անգամ ընկերուհիներից մեկը դանակով հարվածել է Հոքինսի մեջքին այն բանից հետո, երբ իմացել է, որ նա դավաճանում է նրան: Հոքինսն ապրել է մինչև 70 տարեկան և բեմում ելույթ է ունեցել մինչև վերջ։

Նա ասել է, որ իր կյանքի ամենամեծ ափսոսանքն այն է, որ ինքը հստակ չգիտի, թե քանի որդի է ունեցել։ Երբ Հոքինսը մահացել է, Նիգոլյանը սկսեց գործել՝ փորձելով պարզել Հոքինսի երեխաների գտնվելու վայրը և հավաքել նրանց: Առայժմ բացահայտվել են նրա 33 պաշտոնապես հաստատված ժառանգները։  

4. Ջոն Հոլմս. «Մեծահասակների համար ֆիլմի» աստղը պարծենում էր, որ ունի 14000 կին, 70-ական և 80-ական թվականներին նա նկարահանվել է ավելի քան 2250 պոռնոֆիլմերում և ֆիլմերում։

70-ականների վերջին Հոլմսն արդեն օրական 3000 դոլար էր վաստակում որպես պոռնոդերասան, բայց նրա թմրամոլությունը գնալով ավելի լուրջ խնդիր էր դառնում: Տասնամյակի վերջում, փորձելով բարելավել իր խամրած կերպարը, Հոլմսը պարծենում էր,որ իր կյանքի ընթացքում սեռական հարաբերություն է ունեցել 14000 կնոջ հետ: Նրանցից ոմանք նկարահանվել են նրա հետ ֆիլմերում, ոմանք պարզապես վճարել են նրան ծառայությունների համար։ Պոռնոգրաֆիայի պատմաբան Լյուկ Ֆորդը պնդում է, որ այդ թիվը մոտենում է 3000-ին: 1986 թվականին Հոլմսը մահացել է ՄԻԱՎ-ի հետ կապված բարդություններից՝ 43 տարեկանում։  

5. Ջին Սիմոնս. Kiss-ի բասիստը պնդում է, որ իր կյանքի ընթացքում քնել է 5000 կնոջ հետ, և նա ունի դա ապացուցող լուսանկարներ: Ոչ ոք չգիտի՝ նա ճի՞շտն է ասում, թե՞ ստեղծել է իր սեփական առասպելը։ Սիմոնսն ու նրա գործընկեր Շենոն Թվիդը ամուսնացել են 28 տարվա համատեղ կյանքից հետո: Դա տեղի է ունեցել 2011թ. Նրանց որդին՝ Նիկը, ով այդ ժամանակ 25 տարեկան էր, նրանց հարսանիքի վարորդ էր, իսկ դուստրը՝ Սոֆին, ով 22 տարեկան էր,  նրանց հարսանիքի հարսնաքույրն էր: