Կարծում եմ՝ Գագիկ Բեգլարյանի և մյուսների գործով մոտ ապագայում կունենանք դատական ակտեր․ դատավոր Նարինե Ավագյանը՝ հակակոռուպցիոն բնույթի գործերի մասին (տեսանյութ)

17:41, 07 ապրիլ 2023

Այսօր հրավիրվել է Դատավորների ընդհանուր ժողով, որտեղ պետք է ընտրեն ԲԴԽ երկու նոր անդամի։ Հիշեցնենք՝ նրանք փոխարինելու են ԲԴԽ անդամներ Անի Մխիթարյանին և Սերգեյ Չիչոյանին, քանի որ նրանց լիազորությունների ժամկետն ավարտվում է։

Hayastan.news-ն այսօր դատավորների ընդհանուր ժողովից առաջ զրուցել է Հակակոռուպցիոն դատարանի հակակոռուպցիոն քաղաքացիական գործերով մասնագիտացված դատավոր Նարինե Ավագյանի հետ։

Հիշեցնենք՝ նրա վարույթում է գտնվում տրանսպորտի և կապի նախկին նախարար Գագիկ Բեգլարյանի և նրա ընտանիքի անդամներին առնչվող ապօրինի գույքի բռնագանձման վերաբերյալ գործը։

Ավագյանն ասաց, որ հնարավոր է՝ մինչև տարվա վերջ այսօրինակ գործերով առաջին ատյանում արդեն ունենանք դատական ակտեր, եթե հավելյալ միջնորդություններ և նոր ներգրավվող անձինք չլինեն։

Մանրամասն՝ տեսանյութում