«Մի իմաստուն մարդ մի անգամ ասաց՝ ամուսնությունը չարիք է, բայց անհրաժեշտ չարիք: Ես հաճախ մտածում այս մասին։ Ամենայն հավանականությամբ, չարիք է ոչ թե ամուսնությունը, այլ կինը։ Այսինքն՝ կինը անհրաժեշտ, շատ անհրաժեշտ և պարտադիր չարիք է»․ Ալեն Դելոն

 

Ֆրանսիացի դերասան Ալեն Դելոնին իրավամբ անվանել են դարաշրջանի ամենագեղեցիկ տղամարդը։ 2024 թվականի օգոստոսի 18-ին նա մահացել է։ Դելոնն ապրել է պայծառ 88 տարի՝ լցված ստեղծագործությամբ և նվիրումով նկարահանման հրապարակում: Նրա կյանքում շատ բաներ կային, հատկապես կանայք։ Բայց սիրո կողքին միշտ դառնություն ու տխրություն կար։ Լեգենդար դերասանի սիրելի կանանց մասին խոսենք մեր նյութում։

 

Երգչուհի Դալիդա

 

Ալեն Դելոնը և ֆրանսիացի հայտնի կատարողը 1973 թվականին ձայնագրել են համատեղ երգ, որը կոչվում է «Paroles, Paroles»: Շատ արագ այն դարձավ ոչ միայն հիթ, այլ ստացավ մշակութային կարգավիճակ, և այսօր այն համարվում է անցյալ դարի ամենաճանաչված երաժշտական ​​ստեղծագործություններից մեկը:

 

Երկար տարիներ ոչ ոք չգիտեր, որ Դալիդայի և Դելոնի միջև կա ավելին, քան գործնական հարաբերությունները։ Բայց 2011-ին իր հուշերում դերասանն ասել է, որ 50-ականներին ինքն ու երգչուհին սիրավեպ են ունեցել, երբ իրենք երկուսն էլ դեռ անհայտ ստեղծագործ երիտասարդներ էին։

 

Դելոնն ապրում էր Փարիզի նույն փողոցում Դալիդայի հետ, որի իսկական անունը Յոլանդ Ջիլիոտի էր, և հենց այնտեղ էլ նրանք հանդիպել են։ Նրանց սիրո պատմությունը կարճատև էր, բայց շատ ռոմանտիկ։  

 

Իր հուշերում Ալեն Դելոնը նշել է, որ կյանքում միակ բանի համար, ինչի համար փոշմանել է, այն է, որ չի հասցրել զանգահարել իր նախկին սիրելի կնոջը  նախքան վերջինս ինքնասպան լինելը (1987 թվականի գարնանը)։ Դալիդայի հեռանալու պատճառը մենակությունն է եղել։

 

Ռոմի Շնայդերի հետ ամենագեղեցիկ զույգը

 

1956 թվականին Ալեն Դելոնը դերասանուհի Ռոմի Շնայդերի հետ նկարահանվել է «Քրիստինա» ֆիլմում։ Ռոմին այդ ժամանակ արդեն բավականին հայտնի արտիստ էր, բայց Դելոնը նոր էր սկսում իր փշոտ ճանապարհը դեպի համաշխարհային հռչակ։  

Նրանք որոշել էին չթաքցնել իրենց հարաբերությունները և  ամբողջ աշխարհը տեղեկացել է դարի ամենագեղեցիկ զույգի մասին։ Նրանց հարաբերությունները կոչվում էին դարի սիրո պատմությունը։  

Շատ շուտով հայտնի դարձավ, որ դերասանն ամուսնության առաջարկ է արել իր սիրելի կնոջը։ Աշխարհը սպասում էր շքեղ ու գեղեցիկ դերասանական հարսանիքի, բայց դա, ցավոք, տեղի չի ունեցել։ Նրանց սիրավեպը, որը սկսվել էր շատ արագ ու վառ, նույնքան արագ ավարտվել է։

Շնայդերը սիրահարված էր Դելոնին, իսկ դա սկսել է զայրացնել ինքնասիրահարված դերասանին, նա չեղարկել է նշանադրությունը և հեռացել Շնայդերից։

Դերասանուհու համար Դելոնի հետ հարաբերությունների ավարտը վերջի սկիզբ էր։ Դրանից հետո նրա կյանքում ողբերգական իրադարձությունների շղթա է սկսվում։ Չնայած որդու մահից հետո կյանքի դժվարին ժամանակահատվածում Դելոնն ամեն ինչ արել էնրան դեպրեսիայից դուրս բերելու համար։

 

Նիկո Պաֆգեն և ապօրինի որդին

 

Նիկո Պաֆգենը (իսկական անունը՝ Քրիստա Պաֆգեն) մեծ ժողովրդականություն է ձեռք բերել 60-ականներին Ֆեդերիկո Ֆելինիի «La Dolce Vita» ֆիլմի թողարկումից հետո:

Նրան համբավ բերած ֆիլմի թողարկումից մոտ մեկ տարի անց նա հանդիպել է Ալեն Դելոնի հետ։ 1962 թվականին նա որդի է ունեցել, սակայն դերասանը հրաժարվել է ճանաչել նրա հայրությունը։ Եվ նա ընդհանրապես ժամանակ էլ չի ունեցել դրա համար, քանի որ որդու ծնվելուց անմիջապես հետո նա հանդիպել է իր ապագա կնոջը։

Բայց չնայած Ալեն Դելոնը պաշտոնապես չի ճանաչել իր որդուն, ում անվանել են Քրիստիան Աարոն Պաֆգեն, դերասանի ծնողները Էդիթը և Փոլ Բուլոնը ներգրավված են եղել տղայի դաստիարակության մեջ: Հետագայում նրանք որդեգրել են Քրիստիանին և նրան տվել իրենց ազգանունը։

Ալեն Դելոնը նույնիսկ ծերության տարիներին չի ճանաչել Քրիստիանին որպես իր որդի՝ հայտարարելով, որ նա իր ընկերն է և ոչ ավելին։

 

Նատալի Բարթելեմի․  միակ պաշտոնական կինը

 

Դելոնը շատ կանայք ուներ, և դա զարմանալի չէ՝ հաշվի առնելով նրա գրավիչ արտաքինն ու աստղային կարգավիճակը։ Բայց նա միայն մեկ անգամ է ամուսնացել։

Նա ծանոթացել է իր պաշտոնական կնոջ՝ Նատալի Բարթելեմիի հետ 1962 թվականին։ Նրանց հարաբերությունները շատ արագ են սկսվել։  

Ալենն ու Նատալին նման կերպարներ ու արտաքին ունեին։ Երկու տարվա աշխույժ, գեղեցիկ հարաբերություններից հետո զույգն ամուսնացել է: Բայց ռոմանտիկ պատմությունը կարճ է տևել; Զույգը երեխա է ունեցել, սակայն նրանց չի հաջողվել փրկել հարաբերությունները։ Նրանք միասին ապրել են ևս 4 տարի, որից հետո պաշտոնապես ամուսնալուծվել են։

 

Միրեյ Դարկը և 13-ամյա քաղաքացիական ամուսնությունը

 

Ֆրանսիացի մոդել և դերասանուհի Միրեյ Դարկը կարող էր մնալ լեգենդար դերասանի հետ հերթական անցողիկ հարաբերությունն ունեցողը, սակայն ճակատագիրը այլ կերպ էր որոշել: Մի քանի հանդիպումներ վերածվել են սիրավեպի, որը սահուն ու անսպասելի վերածվել է համատեղ կյանքի։ Նրանք միասին ապրել են 13 տարի։

Զույգը ծանոթացել է 1969 թվականին «Ջեֆ» ֆիլմի նկարահանման հրապարակում։ Դարկը դերասանի անձնական օգնականն է եղել, հետո նրանք շատ լավ ընկերներ են դարձել, և միայն դրանից հետո սիրահարվել են։

Միրեյը ոչ միայն դերասանի սիրելի կինն էր, այլև մտերիմ ընկերուհին։ Կինը նրան օգնել է ամեն ինչում, հոգ է  տարել աշխատանքի ու առողջության մասին։ Կինը դերասանին չի լքել նույնիսկ այն ժամանակ, երբ նա իր ողջ ուժերով փորձել է օգնել իր նախկին հարսնացու Ռոմի Շնայդերին դուրս գալ դեպրեսիայից, որը պատել էր նրան երեխայի ողբերգական մահից հետո։ Նրանք շատ ամուր միություն ունեին, և աշխարհը կանխատեսելիորեն սպասում էր, որ նրանք կամուսնանան, բայց 1983 թվականին զույգը բաժանվել է։ Դրանից հետո Դարկն ընկել է խորը դեպրեսիայի մեջ։ Այդ տարին նրա համար շատ դժվար էր, հետո նա վթարի է ենթարկվել, որից հետո հրաշքով է ողջ մնացել։ Դելոնը, նույնիսկ բաժանվելուց հետո, չլքեց այն կնոջը, ում նախկինում սիրում էր,նրանք պարզապես լավ ընկերներ են եղել։

 

Ռոզալի Վան Բրեմեն և ամուսնանալու դժկամություն

 

Ալեն Դելոնի կյանքում վերջին տպավորիչ հարաբերությունները եղել են Ռոզալի Վան Բրեմենի հետ։ Նրանց սիրավեպը սկսվել է 1987 թվականին, և նրանք մոդելի հետ միասին են եղել մոտ մեկ տասնամյակ։ Նրանք երկու երեխա ունեն՝ մեկ տղա և մեկ աղջիկ։

 

Ռոզալին շատ էր ցանկացել ամուսնանալ Ալեն Դելոնի հետ, հատկապես, երբ նրանք արդեն երկու երեխա են ունեցել։ Սակայն,  շուտով զույգի միջև լուրջ խնդիրներ են սկսվել և 1997 թվականին Բրեմենը որոշել է դադարեցնել հարաբերությունները։

Ռոզալին վերցրել է երեխաներին ու գնացել, կարճ ժամանակ անց ամուսնացել է գործարար Ալեն Աֆլելի հետ։