Վրաստանի վարչապետ Իրակլի Ղարիբաշվիլին պատվիրակության հետ մեկնել է Թուրքիայի Հանրապետություն։

Վարչապետի մամուլի ծառայությունից հայտնում են, որ այցի շրջանակներում նախատեսված է Իրակլի Ղարիբաշվիլիի և Ռեջեփ Թայիփ Էրդողանի հանդիպումը։

Նրանց տվյալներով՝ կառավարության ղեկավարը կժամանի երկրաշարժից տուժած Հաթայ նահանգի Անթաքիա քաղաք, որտեղ աշխատում են Վրաստանի ՆԳ նախարարության փրկարարական ջոկատները՝ տարբեր երկրների փրկարար ծառայությունների հետ։

Վարչապետի գլխավորած վրացական պատվիրակության կազմում են ներքին գործերի նախարար Վախթանգ Գոմելաուրին, Պետական ​​անվտանգության ծառայության ղեկավար Գրիգոլ Լիլուաշվիլին, կառավարության վարչակազմի ղեկավար Ռևազ Ջավելիձեն և ՆԳ նախարարության Արտակարգ իրավիճակների կառավարման ծառայության ղեկավար Թեյմուրազ Մղեբրիշվիլին։