Ե՛վ հանրահավաքներ ենք անցկացնելու, և՛ փողոցային պայքարի ենք դուրս գալու. այս մասին դատարանի դիմաց, որտեղ Գագիկ Ծառուկյանի գործով դատն է, ասաց Իշխան Սաղաթելյանը։

«Այդ օրակարգի հարցերը պետք է բացվեն, սպասարկվեն ու դրա շուրջ պետք է ձևավորվի ճանապարհային քարտեզ։ Բնականաբար և՛ հանրահավաքներ են լինելու, և՛ փողոցային պայքար։ Այստեղ խնդիրն այն է, թե երբ, ինչ կառուցվածքով ու ինչ ուժերով է լինելու»,– դատարանի բակում լրագրողներին ասաց «Հայաստան» դաշինքնի պատգամավորի թեկնածուն։ 

Նա ընդգծեց, որ ազգային մտածողություն ունեցող մարդիկ ՀՀ–ում հետապնդվելու են, քանի որ չեն սպասարկում թուրք–ադրբեջանական օրակարգը։ Նշեց` նույնիսկ այն գործարարները, որոնք չեն զբաղվում քաղաքականությամբ ու հաշտ չեն լինի թրքացման պրոցեսի հետ, նրանք էլ են հետապնդվելու։