Գագիկ Ծառուկյանի առերեսումը սկսելուց առաջ նրա պաշտպան Երեմ Սարգսյանին հեռացրել են վարույթից։

«Առերեսումը սկսելուց առաջ որոշեցին, որ ինձ՝ որպես Գագիկ Ծառուկյանի պաշտպան, հեռացնել վարույթից։ Որովհետև Իրանի քաղաքացին ցուցմունք է տվել, որ իրենց ընդհանուր հանդիպումների ժամանակ ես ևս ներկա եմ եղել, և իրենք դիտարկել են, որ ես կարող եմ գործի վերաբերյալ տվյալ ունենալ և վկայի կարգավիճակում հարցաքննվել։ Սա ապօրինության գագաթնակետն է»,- ասաց Երեմ Սարգսյանը։

Երեմ Սարգսյանին այսօր 15։00 հրավիրել են Քննչական կոմիտե հարցաքննության՝ վկայի կարգավիճակով։