Սու՛տ է, չկա՛ որևէ ապացույց և հիմնավորում. այս մասին հայտարարել է Անդրանիկ Թևանյանը։

«Նիկոլ Փ․–ն իր կամակատարների միջոցով մեղադրում է ինձ, թե, իբր, 2024թ․ հավաքագրվել եմ օտարերկրյա հատուկ ծառայությունների կողմից (ի դեպ, համառորեն չեն նշում, թե այդ ո՞ր պետությանը նկատի ունեն, ո՞րն է այն թշնամի պետությունը, որի օգտին, իբր, աշխատել եմ)։ Սո՛ւտ է, չկա՛ որևէ ապացույց և հիմնավորում։

Ասում են, թե, իբր, ԱԺ փակ նիստի մասին փողի դիմաց տեղեկություններ եմ փոխանցել դրսին։ Սու՛տ է, չկա՛ որևէ ապացույց և հիմնավորում։

Այդ «կիքսը» հիմա ուզում են «դզել»՝ Արեգնազ Մանուկյանին ապօրինաբար կալանավորելով, թե բա՝ ինքը տված կլինի տեղեկությունը, քանի որ «Մայր Հայաստանից» է։ Զրո ապացույց, զրո հիմնավորում, բայց Մանուկյանին կալանավորել են, կալանքը ճնշման գործիք դարձրել՝ դիմելով քստմնելի քայլերի, գրել է «Մայր Հայաստան» կուսակցության առաջնորդը»։