13։25

Եվլախում Բաքվի և ԼՂ հայերի ներկայացուցիչների միջև բանակցություններն ավարտվել են։ Ադրբեջանական աղբյուրները հայտնում են, որ բանակցությունների ընթացքում քննարկվել են Ղարաբաղում բնակվող հայ բնակիչների վերաինտեգրման հարցերը։

10։36

Եվլախում մեկնարկել են բանակցությունները Բաքվի և ԼՂ հայերի ներկայացուցիչների միջև։

Հրապարակված կադրերից պարզ է դառնում, որ ԼՂ պատվիրակության կազմում են Արցախի խորհրդարանի «Արցախի ժողովրդավարական կուսակցություն» խմբակցության ղեկավար Դավիթ Մելքումյանը և Անվտանգության խորհրդի քարտուղարի տեղակալ Սերգեյ Մարտիրոսյանը։

Բանակցություններում ադրբեջանական կողմին ներկայացնում է Ռամին Մամմեդովը, որին ավելի վաղ Ալիևը նշանակել էր ԼՂ-ում հայ բնակիչների հետ շփումների պատասխանատու։

Հիշեցնենք, որ Եվլախում Արցախի հայ բնակիչները Ադրբեջանի ներկայացուցիչների հետ քննարկելու են Ադրբեջանի Հանրապետության Սահմանադրության և օրենքների հիման վրա նրանց իրավունքների և վերաինտեգրման հարցերը։

Հանդիպմանը նախորդած տեսանյութերը հասանելի են Hayastan.news-ի թելեգրամյան ալիքում։