Այս պահի դրությամբ ԼՂ-ից Հայաստան եկած շուրջ 100 քաղաքացիներ դիմել են՝ դպրոց հաճախելու համար: Այս մասին հայտարարել է ՀՀ ԿԳՄՍ նախարար Ժաննա Անդրեասյանը։

«Սա վկայում է այն մասին, որ քաղաքացիները արդեն ունեն ունեն իրենց առաջնային կարիքների մասով որոշակի հստակություն և դիմում են դպրոց»,- ասել է Անդրեասյանը։

Նա հավելել է, որ դպրոցներ դիմելիս ԼՂ-ից տեղափոխված երեխաների համար որևէ փաստաթղթային խոչընդոտ չի լինի:

«Երեխաներն առանց որևէ փաստաթղթի կընդունվեն դպրոց»,- ասել է նա։