Արցախի նախկին պետնախարար Ռուբեն Վարդանյանի նկատմամբ Բաքվի Սեբայիլ շրջանի դատարանը որպես խափանման միջոց է ընտրել 4 ամիս կալանքը։

Հիշեցնենք, որ Ռուբեն Վարդանյանը երեկ ձերբակալվել է Լաչինի միջանցքում տեղադրված ադրբեջանական անցակետից և տարվել Բաքու։

Նրան մեղադրանք է առաջադրվել «ահաբեկչության ֆինանսավորման, զինված խմբավորումների ստեղծմանը և գործունեությանը մասնակցության, Ադրբեջանի սահմանն ապօրինի հատելու հոդվածներով»։