ՄԱԿ-ի Մարդու իրավունքների գերագույն հանձնակատարի գրասենյակը կոչ է արել հարգել Ադրբեջանի իշխանությունների կողմից ձերբակալված ԼՂՀ  կառավարության նախկին ղեկավար Ռուբեն Վարդանյանի իրավունքները։ Այս մասին Ժնևում ՏԱՍՍ-ի թղթակցին ասել է Մարդու իրավունքների գերագույն հանձնակատարի պաշտոնական ներկայացուցիչ Էլիզաբեթ Թրոսելը` ի պատասխան Վարդանյանի կալանավորումը մեկնաբանելու խնդրանքին։

«Մենք կոչ ենք անում իշխանություններին ձեռնարկել բոլոր միջոցները՝ ապահովելու պատշաճ դատավարության և արդար դատավարության իրավունքների հարգումը, ինչպես պահանջվում է մարդու իրավունքների միջազգային օրենսդրությամբ», - ասել է Թրոսելը։ «Պետք է, որ Ռուբեն Վարդանյանի և ցանկացած այլ կալանավորի իրավունքները լիովին հարգվեն»: