ԱՄՆ-ն և ԵՄ-ն են դիմել Մոսկվային՝ ԼՂ-ում տեղի ունեցածից առաջ հանդիպման համար․ Զախարովան՝ Ստամբուլում գաղտնի հանդիպման մասին

15:00, 04 հոկտեմբեր 2023

ՌԴ ԱԳՆ հատուկ ներկայացուցիչ Մարիա Զախարովան մեկնաբանել է Politico-ի հրապարակումն այն մասին, որ Լեռնային Ղարաբաղում ադրբեջանական ռազմական գործողություններից ոչ շատ առաջ ԵԱՀԿ Մինսկի խմբի ռուս և ամերիկացի համանախագահների և Հարավային Կովկասի հարցերով ԵՄ հատուկ ներկայացուցչի գաղտնի հանդիպում է տեղի ունեցել Ստամբուլում:

«Գաղտնիների մասին ես չգիտեմ։ Մեզ դիմել են ԱՄՆ–ն և ԵՄ–ն, խնդրել են հանդիպում իրականացնել։ Ես կասեի` շփումներ անցկացնել։ Հանդիպման նպատակը հետևյալն էր` կողմերը տեսակետներ փոխանակեցին իրավիճակի վերաբերյալ»,– ասել է Զախարովան։

Նրա խոսքով` եթե պատմությունը արևմտյան ԶԼՄ–ներում որպես սադրանք խաղարկվի, ապա Արևմուտքի նպատակը հենց դա էր` հերթական սադրանք ստեղծելը։