Ուկրաինայի նախագահ Վլադիմիր Զելենսկին թվիթերյան գրառմամբ անդրադարձել է Նիկոլ Փաշինյանի հետ Գրանադայում ունեցած կարճատև զրույցին։

«Հայաստանի վարչապետ Նիկոլ Փաշինյանի հետ մինչ այս մեր առաջին հանդիպման ժամանակ մենք քննարկել ենք Հարավային Կովկասում անվտանգության իրավիճակը։

Ուկրաինան շահագրգռված է Հարավային Կովկասում կայունության և տարածաշրջանի ժողովուրդների հետ բարեկամական հարաբերությունների ապահովմամբ։

Մենք նաև քննարկել ենք մեր երկկողմ համագործակցությունը և միջտարածաշրջանային տնտեսական նախագծերը»,- ասել է Զելենսկին։