Թուրքիան լուրջ մտահոգություն է հայտնել Իսրայելում և Պաղեստինում բռնության և լարվածության կապակցությամբ և հայտնել է իր պատրաստակամությունը նպաստելու պաղեստինա-իսրայելական հակամարտության դեէսկալացմանը։ Այս մասին ասված է Հանրապետության արտաքին գործերի նախարարության հայտարարության մեջ։

«Մենք խորապես մտահոգված ենք Իսրայելում և Պաղեստինում տեղի ունեցողի կապակցությամբ: Մենք մեծ նշանակություն ենք տալիս տարածաշրջանում խաղաղության շուտափույթ վերականգնմանը և խստորեն դատապարտում ենք խաղաղ բնակչության կորուստները: Մենք ընդգծում ենք, որ բռնության ակտերը և Դրա հետ կապված էսկալացիան ոչ մեկին օգուտ չի բերի, մենք կոչ ենք անում կողմերին զսպվածություն ցուցաբերել և խուսափել իմպուլսիվ քայլերից: Մենք միշտ պատրաստ ենք առավելագույն ներդրում ունենալ իրավիճակը վերահսկողության տակ դնելու համար, քանի դեռ իրադարձությունները սրման նոր փուլում չեն և չեն տարածվել ավելի լայն տարածքներում: Այդ կապակցությամբ մենք շարունակում ենք ինտենսիվ շփումները շահագրգիռ կողմերի հետ»,- ասված է Թուրքիայի արտաքին գործերի նախարարության հայտարարության մեջ։