ԱՄՆ պետքարտուղար Բլինքենի ինքնաթիռը վայրէջք է կատարել Իսրայելում, հաղորդում է իսրայելական Kan ռադիոկայանը։ Նշվում է, որ առաջին հերթին ամերիկյան դիվանագիտության ղեկավարը կմեկնի Երուսաղեմ, որտեղ բանակցություններ կվարի Իսրայելի վարչապետ Բենիամին Նեթանյահուի հետ։

Ավելի ուշ նախատեսվում է Բլինքենի հանդիպումը Իսրայելի նախագահ Իսահակ Հերցոգի հետ։ Ակնկալվում է, որ երկու հանդիպումների հիմնական թեման կլինի պաղեստինա-իսրայելական հակամարտության կարգավորումը։ Ավելի վաղ լրատվամիջոցները գրել էին, որ Իսրայելից հետո Բլինքենը կայցելի Հորդանան գետի արեւմտյան ափ եւ այնտեղ կհանդիպի Պաղեստինի առաջնորդ Մահմուդ Աբասի հետ։