Իրանի Իսլամական Հանրապետության արտաքին գործերի նախարար Հոսեյն Ամիր Աբդոլլահիանը հայտարարել է, որ Իսրայելի դեմ այլ ճակատներ բացելը հնարավոր է համարում։
«Հաշվի առնելով շարունակվող ագրեսիան և պատերազմական հանցագործությունները, ինչպես նաև Գազայի շրջափակումը, գոյություն ունի այլ ճակատներ բացելու հնարավորությունը», - ընդգծել է նախարարը Al Mayadeen-ին տված մեկնաբանությունում։
Նրա խոսքով՝ իսլամական պետությունները «չպետք է հանդուրժեն այն հանցագործությունները, որոնք կատարում է Իսրայելը»։
Իրանցի նախարարը «խաղաղ բնակչությանը ջրից ու էլեկտրականությունից զրկելը, ինչպես նաև շարունակական ռմբակոծությունը պատերազմական հանցագործություն է անվանել»։