Ադրբեջանի արտաքին գործերի նախարարությունը մեկնաբանել է Եվրոպայի խորհրդի խորհրդարանական վեհաժողովի (ԵԽԽՎ) թիվ 2517 (2023) բանաձեւը եւ թիվ 2260 (2023 թ.) հանձնարարականը։

 

ԱԳՆ-ի հաղորդումը հատվածաբար՝ ստորև․

 

«Մենք կտրականապես մերժում և խստորեն դատապարտում ենք Եվրոպայի խորհրդի խորհրդարանական վեհաժողովի (ԵԽԽՎ) 2023 թվականի հոկտեմբերի 12-ի թիվ 2517 (2023) բանաձեւը և թիվ 2260 (2023 թ.) հանձնարարականը։

 

Այս ինստիտուտը ցույց է տալիս, որ Ադրբեջանի նկատմամբ կրկին անաչառ մոտեցում ցուցաբերելու հնարավորություն չունի։ Այս փաստաթղթերը ակնհայտորեն հակասում են միջազգային իրավունքի նորմերին և սկզբունքներին, հատկապես Եվրոպայի խորհրդի հիմնական որոշումներին և փաստաթղթերին, որոնք վերահաստատում են հարգանքը բոլոր անդամ պետությունների անկախությունը, ինքնիշխանությունը և տարածքային ամբողջականությունը միջազգայնորեն ճանաչված սահմաններում: 

 

Բացի այդ, վերջին տասը ամիսներին ԵԽԽՎ-ի անհիմն պնդումները Լաչինի ճանապարհով տեղաշարժվելու և Արդարադատության միջազգային դատարանի 2023 թվականի հուլիսի 6-ի որոշումը անտեսելու վերաբերյալ, որը միաձայն մերժել է Լաչինի սահմանային կետի վերաբերյալ Հայաստանի հայցերը, ինչպես նաև Դատարանի որոշումների սխալ մեկնաբանումն անընդունելի է։ Նաև մոտ 4000 անհետ կորած ադրբեջանցիների ճակատագրի հստակության բացակայությունը, ականների սպառնալիքը, որը 44-օրյա պատերազմից հետո զոհերի թիվը հասցրեց 333-ի, խորապես անհանգստացնող է։

 

Մինչ ԵԽԽՎ-ն պաշտպանում է էթնիկ հայերի իրավունքները գոյություն չունեցող սպառնալիքներից, անտեսվում են Հայաստանից վտարված ադրբեջանցիների իրավունքների վերականգնման և նրանց վերադարձի կոչերը։

 

ԵԽԽՎ-ն պետք է դադարեցնի Ադրբեջանի դեմ չարդարացված և կողմնակալ գործողությունները, որոնք խաթարում են Ադրբեջանի և Հայաստանի միջև խաղաղության ջանքերի հեռանկարները։ Միևնույն ժամանակ, Եվրոպայի խորհրդի մեխանիզմները Ադրբեջանի դեմ օգտագործելու անհեռատես փորձերը լիովին հակաարդյունավետ են, նման փորձերը չեն կարող սասանել Ադրբեջանի վճռականությունը՝ շարունակելու իր գործունեությունը տարածաշրջանում կայուն խաղաղության ապահովման և վերաինտեգրման ծրագրերի ուղղությամբ։