Հոկտեմբերի 5-ին Գրանադա կատարած այցի ժամանակ Եվրախորհրդարանի նախագահ Ռոբերտա Մեցոլան Նիկոլ Փաշինյանին հրավիրել էր խորհրդարանի լիագումար նիստում ելույթ ունենալու։ «Այսօր Գրանադայում հանդիպել եմ վարչապետ Նիկոլ Փաշինյանին և հրավիրել Եվրախորհրդարանի լիագումար նիստում ելույթ ունենալու»,- X-ի իր էջում գրել էր Մեցոլան։

Hayastan.news-ը տեղեկացավ, որ Փաշինյանն այսօր պատրաստվում է Ստրասբուրգ թռիչքի։ Բիշքեկում հոկտեմբերի 13-ին կայացած ԱՊՀ առաջնորդների գագաթնաժողովին մասնակցելու հրավերը առանց հիմնավորման մերժած Փաշինյանը համաձայնել է մեկնել Ստրասբուրգ՝ ընդունելով Եվրախորհրդարանի նախագահի հրավերը։ Տեղեկացանք, որ թռիչքը տեղի կունենա այսօր երեկոյան։ Կառավարությունից հաստատեցին տեղեկությունը՝ նշելով, որ շուտով հաղորդագրություն կտարածեն։