Վրաստանը պատրաստ է աջակցել Հայաստանի և Ադրբեջանի միջև կայուն խաղաղության հաստատմանը։ Այս մասին Վրաստանի վարչապետ Իրակլի Ղարիբաշվիլին ասել է Թբիլիսիի Մետաքսի ճանապարհի միջազգային ֆորումի բացման արարողությանը։

«Մեր կառավարությունն առաջ է քաշել «Խաղաղ հարևանություն» նախաձեռնությունը։ Մենք պատրաստ ենք մեր հարևանների և բարեկամ երկրների՝ Ադրբեջանի և Հայաստանի հետ միասին մասնակցել Հարավային Կովկասում կայուն խաղաղություն վերջնականապես հաստատելու ուղղությամբ։

Այսօր շատ ուրախ եմ հյուրընկալելու երկու գործընկերներիս՝ վարչապետ Փաշինյանին և վարչապետ Ալի Ասադովին։ Կայուն խաղաղությունը օգուտ կբերի մեր երկրներին և ողջ տարածաշրջանին և կբերի այն խաղաղությունը, որին արժանի են մեր ժողովուրդները»,- ասել է Ղարիբաշվիլին։