Վրաստանի վարչապետ Իրակլի Ղարիբաշվիլին հաստատել է, որ երեկ Թբիլիսիում եռակողմ հանդիպում է ունեցել Հայաստանի վարչապետ Նիկոլ Փաշինյանի և Ադրբեջանի վարչապետ Ալի Ասադովի հետ։

Նա այս մասին ասել է Թբիլիսիի Հեյդար Ալիևի անվան պետական ​​ադրբեջանական դրամատիկական թատրոնի հիմնարկեքի արարողության ժամանակ։

«Երեկ մենք եռակողմ հանդիպումներ ենք անցկացրել, Վրաստանը շահագրգռված է տարածաշրջանում խաղաղության հաստատմամբ՝ որպես անաչառ միջնորդ, Հայաստանի և Ադրբեջանի բարեկամ»,- ասել է Ղարիբաշվիլին։

Կառավարության ղեկավարը, սակայն, չի բացահայտել հանդիպման ընթացքում քննարկված հարցերը։