Հարյուր տարի առաջ Պաղեստինը մեզ համար նույնն էր, ինչ Ադանան. Գազան մեր տարածքների մի մասն էր, որը մենք չէինք էլ պատկերացնում կորցնել։
Այս մասին այսօր Թուրքիայում ի պաշտպանություն Պաղեստինի բազմամարդ ակցիայի ժամանակ ասել է Թուրքիայի նախագահ Էրդողանը։
«Երբ ես ասացի, որ ՀԱՄԱՍ-ը ահաբեկչական կազմակերպություն չէ, Իսրայելին դա իսկապես դուր չեկավ։ Դրա համար էլ ասացի։ Ինչի՞ էիք սպասում։
Իսրայել, ինչպե՞ս հայտնվեցիր այստեղ: Ինչպե՞ս հասաք այստեղ: Դուք օկուպանտ եք։ Դուք խումբ եք, ոչ թե պետություն։ Արևմուտքը ձեզ ինչ-որ բան է պարտական, իսկ մենք ձեզ ոչինչ պարտք չենք: Դրա համար մենք այսքան հանգիստ ասում ենք այս բաները։ Ցավոք, Արևմուտքի յուրաքանչյուր երկիր ձեզ ինչ-որ բանով պարտական է»։
Թուրքիայի նախագահը նաև նշել է, որ Իսրայելին պատերազմական հանցագործ են հայտարարելու և իրենք արդեն աշխատում են դրա վրա։