Նոյեմբերի 2-ին ԿԸՀ եմ ներկայացրել պատգամավորական մանդատից հրաժարվելու դիմում: Այս մասին Facebook-ի իր էջում գրել է ՀՅԴ-ական Գերասիմ Վարդանյանը:

Նա, մասնավորապես, նշել է. «Հայտնում եմ, որ լինելով ՀՅԴ Հայաստանի Գերագույն մարմնի անդամ և նկատի ունենալով իմ աշխատանքային ու կազմակերպական ծանրաբեռնվածությունը, ինչպես նաև որոշ այլ հանգամանքներ, անձնական որոշում եմ կայացրել, համաձայն որի, այս փուլում իմ խորհրդարանական գործունեությունը նպատակահարմար չեմ համարում։

Միևնույն ժամանակ դիմելով ընկերներիս, բարեկամներիս, հարզատներիս, ինձ հավատացող ու ինձ հետ պայքարող մարդկանց՝ հայտնում եմ, որ մեր պայքարը արժանապատիվ ու ազատ հայրենիք ունենալու համար շարունակվելու է մինչև վերջ։

Խնդրում եմ, իմ այս քայլը դիտարկել պայքարի դաշտում մարտավարական դիրքավորման համատեքստում։

Շնորհակալություն եմ հայտնում ՀՅԴ ՀԳՄ-ին՝ իմ անձնական որոշմանն ընդառաջ գնալու ու համաձայնություն տալու համար։

Հաջողություն եմ մաղթում իմ գործընկերներին և ընկերներին խորհրդարանում»։

Նշենք, որ օրերս պատգամավորական մանդատից հրաժարվել է «Հայաստան» խմբակցության պատգմավոր Արմեն Չարչյանը: