Մինչև 400 հազար մարդ դեռևս գտնվում է Գազայի հատվածի հյուսիսում, որտեղ Իսրայելը կոչ է արել բոլոր բնակիչներին տարհանել։ Այս տվյալները հայտնել է Մերձավոր Արևելքում հումանիտար հարցերով ԱՄՆ հատուկ բանագնաց Դեյվիդ Սաթերֆիլդը։ Վերջին մի քանի շաբաթների ընթացքում Իսրայելը Գազայի հյուսիսի բնակիչներին կոչ է արել շարժվել դեպի հարավ, որը նա հայտարարել է, այսպես կոչված, անվտանգ գոտի: Այդ ժամանակից ի վեր հյուսիսը եղել է Իսրայելի մշտական օդային հարվածների և ցամաքային հարձակումների թիրախ, թեև Գազայի հարավային հատվածը նույնպես ենթարկվել է ավիահարվածների: Այսօր առավոտյան Հորդանանի մայրաքաղաք Ամմանում լրագրողների հետ զրույցում Սաթերֆիլդն ասաց, որ իր գնահատմամբ՝ 800,000-ից մինչև մեկ միլիոն մարդ տեղափոխվել է հարավ, մինչդեռ 350 հազարից 400 հազարը մնացել է անկլավի հյուսիսում:
Գազայի հատվածի հյուսիսում մնում է 400 հազար մարդ. ԱՄՆ
21:07, 04 նոյեմբեր 2023
-thumbnail.jpg)
-thumbnail.jpg)
-thumbnail.jpg)