Բաքվի և Երևանի միջև խաղաղության համաձայնագրի կնքումից հետո բեռնափոխադրումների հիմնական մասը կանցնի Ադրբեջանի տարածքով։ Վերին Լարսի ճանապարհի այլընտրանքային երթուղու մասին խոսելիս լրագրողներին ասել է իշխող «Քաղաքացիական պայմանագիր» կուսակցության անդամ Գևորգ Պապոյանը։

Պապոյանն ասել է, որ այս երթուղին ավելի շահավետ է Հայաստանի համար, քանի որ այն ավելի կարճ է և հարմարավետ։

«Բայց առանց խաղաղության պայմանագրի իրատեսական չեմ համարում Ադրբեջանի տարածքով բեռնափոխադրումը։ Ինչ վերաբերում է խաղաղության պայմանագրին, ապա չպետք է լինեն դրույթներ, որոնք կարող են պատերազմի վտանգ ստեղծել»,- հավելել է Պապոյանը։