Հայաստանն ու Ադրբեջանը խաղաղության պայմանագրի նախագծի շուրջ միմյանց փոխանցվող տարբերակներով ոչ իդեալական, բայց փոխընդունելի որոշ ձևակերպումներ կարողացել են գտնել, սակայն առաջին կարևորության հարցերը դեռևս քննարկումների փուլում են: Մինչև այս պահը ստացվել է 4 ադրբեջանական փաստաթուղթ և առայժմ 3 հայկական փաստաթուղթ: Վերջինը հայկական կողմը ստացել է և դեռևս չի ձևակերպել իր արձագանքը:

Այս մասին ասաց ՀՀ ԱԳ նախարար Արարատ Միրզոյանը ԱԺ արտաքին հարաբերությունների հանձնաժողովի նիստում։

«Այսինքն՝ քննարկումներ, մտքերի փոխանակումներ են եղել, ինչ-որ փոխզիջումային տեքստեր ձևակերպվել են: Ցավոք սրտի, սա վերաբերվում է ոչ առանցքային, առաջին կարևորության հարցերի»,-ասաց նա։

Միրզոյանը նաև նշեց, որ այս բանակցային գործընթացում միջնորդներ չկան, պարզապես՝ ցանկացած հանդիպում, քննարկում եղել է որևէ երրորդ երկրի քաղաքում։