ՀՀ ԱԳՆ-ն օգտագործում է իր ողջ գործիքակազմը, որպեսզի Ադրբեջանում պահվող հայերը, այդ թվում՝ նախկին պաշտոնյաներն, օր առաջ վերադառնան Հայաստան։

Այս մասին հայտարարել է ԱԳ փոխնախարար Վահան Կոստանյանը։

«Արտգործնախարարությունը բոլոր միջազգային հարթակներում, որոնք վերաբերում են մարդու իրավունքներին, բարձրաձայնում է խնդիրը։ Կան իրավական գործընթացներ նաև ՄԻԵԴ-ում, ամբողջ գործիքակազմը, որը հասու է  ԱԳՆ-ին, օգտագործում ենք, որ օր առաջ մեր բոլոր հայրենակիցները, այդ թվում՝ նախկին պաշտոնյաները, վերադառնան»,- ասել է  Կոստանյանը։