ՌԴ կառավարության կողմից Լեռնային Ղարաբաղի հայերին ուղղված 40 տոննա մարդասիրական օգնությունն առաջիկա օրերին Երևան կուղարկվի: Այս մասին ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Օգնությունը կլինի ևս մեկ մարդասիրական քայլ՝ աջակցելու ժամանակավոր տեղահանվածներին, հույս ունեմ՝ ժամանակավոր տեղահանվածներին»,- նշել է նա։

Նա հիշեցրել է, որ մարդասիրական առաքելությունն արդեն տրամադրել է 6 տոննա աջակցություն, օգնություն են ցուցաբերում նաև Հայաստանում գործող ռուսական ընկերությունները։