«Արցախի Հանրապետությունից Հայաստանի Հանրապետության տարածք մուտք գործած ավտոտրանսպորտային միջոցների գծով մինչև 2024 թվականի հունվարի 1-ը առցանց էլեկտրոնային եղանակով կնքվող ԱՊՊԱ պայմանագրերի ապահովագրավճարների հաշվարկում պետք է հիմք ընդունվի 50 տոկոսի չափով ավելի ցածր հիմնական ապահովագրավճար»,-ասվում է ապահովագրողների բյուրոյի տարածած հայտարարության մեջ։

Ավտոտրանսպորտային միջոցը պետք է բավարարի հետևյալ պայմաններին.

ԱՊՊԱ պայմանագրի կնքման պահին հաշվառված է Արցախի Հանրապետությունում,

մինչև 2020 թվականի արտադրության է,

չի հանդիսանում պետական կամ համայնքային սեփականություն,

սեփականության իրավունքն ապահովագրի անվամբ գրանցվել է մինչև 2023 թվականի օգոստոսի 1-ը։

Որոշում է կայացվել` հաշվի առնելով այն փաստը, որ Արցախի բնակչության բռնի տեղահանման հետևանքով ՀՀ տարածք են մուտք գործել ԱՊՊԱ պայմանագիր չունեցող մեծ թվով ավտոմեքենաներ։