Այսօր՝ նոյեմբերի 12-ին օպերատիվ տեղեկություներ են ստացվել, որ Kia մակնիշի 68 UU 586 համարանիշի ավտոմեքենայի վարորդը Կոտայքի մարզից ընթանում է դեպի Երևան, և վարորդը ավտոմեքենան վարելու իրավունք չունի: Հայտնում է Shamshyan.com-ը:

 «Շանգրի-Լա» խաղատան հարևանությամբ պարեկը ծառայողական ավտոմեքենայով նկատում է Kia-ն և ձայնային ազդանշանով հրահանգում է, որպեսզի վարորդը կանգնի, սակայն վարորդը չի ենթարկում կանգառ հրահանգին, դիմում է փախուստի, բայց այլ պարեկների հաջողվում է բռնել նրան, ինչից հետո ավտոմեքենան տեղափոխվում է ոստիկանության Կոտայքի բաժնի պահպանվող հատուկ տարածք:

Տեղում պարզվում է, որ ստացված տեղեկությունը հավաստի է, վարորդը Նոր Հաճն քաղաքի բնակիչ, 17-ամյա Նարեկ Մաթևոսյանն է, որը վարորդական իրավունքի վկայական չունի, հետևաբար նա չպետք է ավտոմեքենա վարեր:

Աղբյուրի տեղեկություններով՝ Ն. Մաթևոսյանը Նոր Հաճնի քաղաքապետ Գագիկ Մաթևոսյանի տղան է: