Այսօր՝ նոյեմբերի 16-ին, խոշոր ավտովթար է տեղի ունեցել Երևանում: Shamshyan.com-ի փոխանցմամբ՝ ժամը 13:20-ի սահմաններում Երևանի բնակիչ՝ 30-ամյա Ռոբերտ Մ.-ն, իր վարած Mercedes մակնիշի ավտոմեքենայով Մոնթե Մելքոնյան փողոցից դեպի Իսակովի պողոտա ընթանալիս, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել մայթեզրի բազալտե եզրաքարին, և մոտ 100 մետր հողաթմբերին ու քարերին բախվելով՝ հայտնվել է ջրատարում:

Վթարի հետևանքով վարորդը մարմնական վնասվածքներով տեղափոխվել է «Արմենիա» բժշկական կենտրոն:  Դեպքի վայրում տեղեկություններ էր շրջանառվում, որ հնարավոր է՝ վարորդը մենակ չի եղել, և ավտոմեքենայի տակ քաղաքացի կա: Փրկարարները վերամբարձ կռունկի օգնությամբ ավտոմեքենան դուրս բերեցին ջրատարից, պարզվեց, որ տեղեկությունը հավաստի չէ: Վթարի փաստով քննչական բաժնում նախաձեռնվել է քրեական վարույթ: