ՀՀ-ում ԱՄՆ դեսպան Քրիստին Քվինն այցելել է  12-13-րդ դարի Գոշավանք վանական համալիր։ Այս մասին հրապարակում է արվել դեսպանության ֆեյսբուքյան էջում։

«Տավուշի մարզ կատարած այցի ընթացքում ՀՀ-ում ԱՄՆ դեսպան Քրիստին Քվինն այցելել է  12-13-րդ դարի Գոշավանք վանական համալիր, որտեղ ծանոթացել է Հայաստանի առաջին օրենսգրքի հեղինակ Մխիթար Գոշի կյանքին ու գործունեությանը։ Դեսպանը այցելեց նաեւ ԱՄՆ ՄԶԳ-ի հետ գործակցած տնտեսավարողների Դիլիջան խոշորացված համայնքում, մասնավորապես՝ «Հնոց» գաստրո-բակ եւ «Ուտելի» հացի փուռ»,- նշված է հաղորդագրությունում։