Թուրքիայի գյուղատնտեսության նախարար Իբրահիմ Յումակլին CNN Türk-ին տված հարցազրույցում կոչ է արել բնակչությանը մոբիլիզացնել ջանքերը և «զգայուն մոտեցում» ցուցաբերել՝ կապված երկրում ջրի պակասի հետ։

«Մենք պետք է ճանաչենք այն փաստը, որ կլիմայի փոփոխությունը վտանգ է ներկայացնում ամբողջ աշխարհի համար, որ դրա հետևանքները կործանարար կլինեն: Կլիմայական ճգնաժամի համատեքստում մենք Միջերկրական ծովի ավազանի այն երկրներից ենք, որոնք ամենաշատն են տուժելու կլիմայի փոփոխությունից։ Օդի ջերմաստիճանի բարձրացումը, չոր օրերը և դրա հետ կապված ջրի գոլորշիացումը պահանջում էին ընդհանուր քաղաքականություն մշակել»,- ասել է նախարարը։

Նախարարը նշել է, որ քաղաքապետարանները շարունակում են ջրամատակարարման ծառայություններ մատուցել քաղաքացիներին։

«Գյուղատնտեսությունն ամենաշատ ջրի սպառում ունեցող ոլորտներից է, պետությունը նրան 50 տոկոս աջակցություն է ցուցաբերում՝ անցնելով ժամանակակից ոռոգման և ջրելու այն ժամանակ, երբ գոլորշիացումը նվազագույն է: Մենք ակնկալում ենք, որ մեր քաղաքացիները ավելի ուշադիր և զգայուն կլինեն ջրի նկատմամբ: Եթե ջուր չլինի, ուրեմն կյանք չկա»,- ասել է նախարարը։