ՌԴ հակաօդային պաշտպանության ուժերը Մոսկվայի մարզի Էլեկտրոստալ քաղաքի տարածքում հետ են մղել Մոսկվայի ուղղությամբ թռչող անօդաչու թռչող սարքի հարձակումը։ Այդ մասին հայտնել է Մոսկվայի քաղաքապետ Սերգեյ Սոբյանինը Telegram-ի իր ալիքում։

Նախնական տվյալներով, ավերածություններ կամ զոհեր չկան բեկորների ընկնելու վայրում։ Դեպքի վայրում աշխատում են  մասնագետները։

Նշենք, որ վաղ առավոտյան ևս ՌԴ ՊՆ-ն հայտնել էր, որ Մոսկվայի ժամանակով ժամը 01.00-ին, Կիևի կողմից փորձ է արվել ահաբեկչություն իրականացնել Ռուսաստանի Դաշնության տարածքում գտնվող օբյեկտների վրա ինքնաթիռի տիպի անօդաչու թռչող սարքի միջոցով։ Հերթապահ հակաօդային պաշտպանության համակարգերը Մոսկվայի մարզի Բոգորոդսկի քաղաքային շրջանի տարածքում անօդաչու թռչող սարք էին ոչնչացրել։