Հայաստան է ժամանել Իրաքի նախագահ Աբդուլ Լատիֆ Ռաշիդը։

Ինչպես հաղորդում է «Արմենպրես»-ը, «Զվարթնոց» օդանավակայանում Իրաքի նախագահին դիմավորել են ՀՀ փոխվարչապետ Մհեր Գրիգորյանը և ՀՀ ԱԳ փոխնախարար Վահան Կոստանյանը։

Իրաքի նախագահը հանդիպումներ կունենա ՀՀ նախագահ Վահագն Խաչատուրյանի, վարչապետ Նիկոլ Փաշինյանի, ԱԺ նախագահ Ալեն Սիմոնյանի հետ։   

Նշենք, որ Իրաքի նախագահը Երևան է ժամանել Բաքվից։  Ադրբեջան կատարած իր այցի շրջանակում նա հանդիպել էր այդ երկրի նախագահ Իլհամ Ալիևի հետ, նրանք նաև համատեղ ասուլիս էին անցկացրել։