Երգչուհի Սիրուշոն նոր՝ «Ինձանից ավել» տեսահոլովակի վերաբերյալ գրառում է արել, պարզաբանելով, թե ինչպես է ստեղծվել երգը․ «Սա այն երաժշտական աշխատանքներից է, որը ոչ թե ես եմ նախաձեռնել, այլ որպես հյուր հրավիրված եմ եղել մասնակցելու և իմ երաժշտական ներդրումն ունենալու, ինչի համար շնորհակալ եմ թե՛ հրավերի, թե՛ վստահության համար։

Հյուրախաղերի մեջ էի, երբ Վիկտորն ուղարկեց երգի իր տարբերակը, շատ արագ ավելացրեցի իմ հատվածները: Հետո հավաքվեցին Ամերիկայում բնակվող մի խումբ տաղանդավոր հայեր, և միասին կազմակերպեցինք նկարահանումները։ Եթե համաձայնվում եմ մասնակցել որևէ նախագծի, փորձում եմ հնարավորինս ներգրավվածություն ցուցաբերել։ Ուրախ եմ, որ երգն այսքան սիրվել է, ու շնորհակալ եմ յուրաքանչյուր դրական խոսքի համար»։