Երեկ՝ նոյեմբերի 21-ին, արտակարգ դեպք է տեղի ունեցել Երևանում: Ժամը 15:40-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ «Երևանի Փանոս Թերլեմեզյանի անվան գեղարվեստի պետական քոլեջ» ՊՈԱԿ-ի ներսում տարօրինակ հոտ է զգացվել, ինչի պատճառով աշակերտների և աշխատակիցների մոտ նկատվում է ինքնազգացողության վատթարացում: 

Shamshyan.com-ի տվյալներով՝ տեղում ՓԾ քիմիկները գազաանալիզատորային չափիչ սարքի միջոցով իրականացրել են օդի նմուշառում․ քիմիական վտանգավոր գազեր չեն հայտնաբերվել։

Ժամանել է նաև ոստիկանության խումբը՝ պարզելու, թե ինչն է եղել աշակերտների ու աշխատակիցների ինքնազգացողության վատթարացման պատճառը: