Կարմիր խաչը կկարողանա այցելել Գազայի հատվածում գտնվող պատանդներին։

Այս մասին մամուլի ասուլիսի ժամանակ ասել է Իսրայելի վարչապետ Բենիամին Նեթանյահուն։

Նա հայտնել է, որ պայմանավորվածություն է ձեռք բերվել, որ Կարմիր Խաչի միջազգային կոմիտեի (ԿԽՄԿ)  աշխատակիցներին թույլատրվելու է այցելել Գազայում մնացած իսրայելցի պատանդներին։

«Ես ակնկալում եմ, որ Կարմիր Խաչը կանի իր աշխատանքը, կայցելի  բոլորին և նրանց կտրամադրի անհրաժեշտ դեղամիջոցները», - ասել է Նեթանյահուն: