ԱԺ «Պատիվ ունեմ» խմբակցության ղեկավար Հայկ Մամիջանյանը լրագրողների հետ զրույցում մանրամասներ է ներկայացրել իր դեմ ներկայացված հաղորդման վերաբերյալ, որի առնչությամբ հրավիրվել է Քննչական կոմիտե՝ հարցաքննության։

 

Ըստ Մամիջանյանի՝ իր դեմ հաղորդումը ներկայացվել է Վանաձորի Հելսինկյան գրասենյակի կողմից։

 

«Չգիտեի, որ Արթուր Սաքունցն իմ արվեստի մեծ ֆանատ է, թող շարունակի լսել իմ ասածները, գուցե, իրեն մի օգուտ տա։ Երևի «հայրենասիրություն» բառը չի սիրում»,-ասել է Հայկ Մամիջանյանը։

 

Պատգամավորը նշել է՝ հարցաքննության ընթացքում մանրամասնել է, թե ինչ է նկատի ունեցել ճեպազրույցի ընթացքում հայտարարությունն անելիս։

 

«Սա պարզագույն քրեական հետապնդում է՝ պայմանավորված իմ քաղաքական գործունեությամբ»,- նշել է Մամիջանյանը։