Պատրաստ ենք «Սումալու» առևտրի կենտրոնի հարակից տարածքում մետրոյի նոր կայարանի կառուցման նպատակով նախագծանախահաշվային փաստաղթղթերը ձեռք բերելու հայտը ներկայացնել մրցույթի: Նաև կապալառու կազմակերպության կողմից «Աջափնյակ» կայարանի նախագիծը հանձնվել է քաղաքապետարանին, ընթանում են պարզ և համալիր փորձաքննության աշխատանքները, որից հետո պատրաստ կլինեն շինաշխատանքների մրցույթին ներկայացնելու: 

 

Այս մասին զեկուցվեց Երևանի քաղաքապետարանում գործակարգավարական խորհրդակցության ժամանակ։

 

«Այս պահին ֆինանսական միջոցներ չունենք հատկացված: Կարող ենք առանց ֆինանսական միջոցների ներկայացնել, ապա 2024-ին նոր ֆինանսավորման հարցը լուծել»,-զեկուցեց պաշտոնյան:

 

Ավինյանը առանց ֆինանսական միջոցների հայտ ներկայացնելու առաջարկին դրական արձագանքեց. «Շատ լավ, մրցույթը հայտարարեք»:

 

Ինչ վերաբերում է «Աջափնյակ» կայարանին, Ավինյանը նշեց. «Մենք ստացել ենք մետրոյի «Աջափնյակ» կայարանի կառուցման նախագծային աշխատանքների ամբողջ փաթեթը, այն գտնվում է համալիր փորձաքննության իրականացման դաշտում, պետք է խնդրեմ, որ աշխատանքներն ամփոփելուց հետո մրցույթի դնենք` առանց ֆինանսական միջոցների, հարցը հընթացս կսկսենք լուծել»։