Բաթումիում ուժեղ քամու և փոթորկի հետևանքով վնասվել են լողափի որոշակի պարագծի ենթակառուցվածքը։ Աջարիայի կառավարության նախագահ Թոռնիկե Ռիժվաձեն ծանոթացել է Բաթումիի ափամերձ հատվածում տիրող իրավիճակին։

«Առատ տեղումների, վատ եղանակի և փոթորկի հետևանքով Բաթումիի առափնյա գծի ենթակառուցվածքները վնասվել են։ Մոբիլիզացված են քաղաքապետարանը և համապատասխան արտակարգ ծառայությունները։ Ենթակառուցվածքը կվերականգնվի անմիջապես։ Խնդրում եմ քաղաքացիներին հնարավորինս զերծ մնալ առափնյա գծով տեղաշարժվելուց։ Ամեն ինչ արվելու է թե՛ ենթակառուցվածքները, թե՛ մեր քաղաքացիների անվտանգությունը պաշտպանելու համար»,- ասել է Թոռնիկե Ռիժվաձեն։

Դեպքի վայրում են Բաթումիի քաղաքապետ Արչիլ Չիgովանին, քաղաքապետարանի արտակարգ իրավիճակների ծառայությունների և բուլվարի վարչակազմի ներկայացուցիչներ։ Վնասված ենթակառուցվածքների վերականգնումն ու ամբողջական լուծարման աշխատանքները կսկսվեն եղանակի բարելավմանն պես՝ կախված անվտանգության նորմերից։

Նաև փոթորկի հետևանքով վնասվել է Քոբուլեթիի առափնյա գիծը։ Լուծարային աշխատանքներն ընթացքի մեջ են։