Մոսկվայի մարզում վերջին 40 տարվա ընթացքում գրանցվել է ամենաառատ ձյունը, տելեգրամյան ալիքում հայտնել է Մոսկվայի մարզի նահանգապետ Անդրեյ Վորոբյովը։
«Մոտ երեք հազար մարդ և ավելի քան երկու հազար տեխնիկա ամբողջ գիշեր մաքրել են ճանապարհներն ու փողոցները»,- հավելել է մարզի ղեկավարը։
Նա ընդգծել է, որ աշխատանքը ոչ մի րոպե չի դադարում.
Ամենաբարդ իրավիճակն այժմ Մոժայսկում, Լենինսկում, Լոբնյայում և Պոդոլսկում է, այնտեղ լրացուցիչ ուժեր են ուղարկվում։ Կոմունալ ծառայությունները հատուկ ուշադրություն են դարձնում հասարակական տրանսպորտի երթուղիներին:
Ինչպես հայտնել է Ֆոբոս եղանակային կենտրոնի առաջատար մասնագետ Եվգենի Տիշկովեցը իր Telegram ալիքում, Մոսկվայի մարզում ամենաշատ ձյունը տեղացել է Միխայլովսկում՝ 24 սանտիմետր և Նովո-Երուսաղեմում՝ 25 սանտիմետր։ Ձյան ծածկույթի բարձրությունը համապատասխանում է հունվարյան մակարդակներին։