Ես արդեն մեկ տարի է, ներքին գործերի նախարարությունից պահանջում եմ, որ այն պաշտոնյաների մեքենաները, որոնք ապօրինի կարմիր-կապույտ առկայծող փարոսիկներ են կրում իրենց վրա՝ «միգալկաները», այնպես անեն, որ այլևս չկրեն։ Այս մասին ասաց ԱԺ ՔՊ-ական պատգամավոր Արսեն Թորոսյանը։

«Մեկ տարի է՝ առանց հրապարակելու զբաղվել եմ այդ ամենով։ Այնքան է այս տենդենցը տարածվել, որ արդեն դիվանագիտական ներկայացուցրությունների մեքենաներն են կրում։ Այդ փարոսիկներից, ի դեպ, ես էլ կարող եմ ունենալ իմ մեքենային, պարոն Գաբրիելյանն էլ, ու դնողները մեզնից ավելի լավ ու բարձր պաշտոնյա․․․ Իմ արձանագրումներով անձամբ տեսել եմ և էլի եմ գրել ՆԳ նախարարին այդ մեքենաների մասին։ Հիմա այդ ցանկը կարդամ, թող  չնեղանան իմ գործընկերները․

ՀՀ գլխավոր դատախազին սպասարկող և ուղեկցող մեքենաները իրավունք չունեն կարմիր-կապույտ փարոսիկներ ունենալ, բայց այդպես են շրջում, ՀՀ քննչական կմոիտեի նախագահին սպասարկող և ուղեկցող ավտոմեքենա, ԲԴԽ նախագահին, Կենտրոնական բանկի նախագահին, շատ տարօրինակ է, արդեն դիվանագիտական ներկայացուցիչների մեքենաններն են այդ լուսյերը․ ԱՄՆ և ՌԴ դեսպաններին ուղեկցող մեքենաները։ Մեր դիվանագետներն իրենց երկրներում օրինակելի վարքագիծ են դրսևորում»,- ասաց նա։

Արսեն Թորոսյանն ասաց, որ եթե այդ հարցը չլուծվի ինքը մեկ շաբաթից իր մեքենայի վրա փարոսիկներ է դնելու, եթե այդ հարցը չլուծվի․ «Ու հլը փորձի մեկը կանգնեցնի»։