Սկոպյեում ԵԱՀԿ գլխավոր քարտուղար Հելգա Շմիդի հետ հանդիպման ժամանակ Ադրբեջանի արտգործնախարար Ջեյհուն Բայրամովը ասել է, թե ԼՂ-ից հայ բնակչության հեռանալու պատասխանատվությունը Հայաստանի իշխանությունների վրա է։

«Ինչպես հաստատել են միջազգային կազմակերպությունների ներկայացուցիչները՝ այս գործընթացում խաղաղ բնակչության նկատմամբ բռնություն չի եղել, իսկ ինչ վերաբերում է մեր տարածքներից հայ բնակիչների հեռանալուն, ապա ընդգծվել է, որ դրա պատասխանատվությունն ընկնում է Հայաստանի վրա»,- ասել է նա։

Բայրամովը հայտնել է նաև, որ Հայաստանը տեղեկացված է եղել սեպտեմբերին 24 ժամվա ընթացքում Ադրբեջանի կողմից ձեռնարկված, այսպես կոչված, «հակաահաբեկչական միջոցառումների» մասին, որոնք ձեռնարկվել են, իբրև թե. Հայաստանի զինված ուժերը դուրս չբերելու ֆոնին։