Պենտագոնի ղեկավար Լլոյդ Օսթինը հայտարարել է, որ Միացյալ Նահանգները կշարունակի ճնշում գործադրել Իսրայելի վրա՝ Գազայի հատվածում խաղաղ բնակիչներին պաշտպանելու համար: Նրա կարծիքով՝ մարտավարական հաղթանակը կարող է վերածվել ռազմավարական պարտության, եթե խաղաղ բնակչությունը գնա «թշնամու գիրկը»։ 

Օսթինը կարծում է, որ քաղաքային մարտերը հնարավոր չէ հաղթել առանց խաղաղ բնակիչներին պաշտպանելու:

Պենտագոնի ղեկավարը Կալիֆորնիայում Ռեյգանի ազգային պաշտպանության ֆորումում ելույթ է ունեցել, այդ թվում՝ Իսրայելի և ՀԱՄԱՍ-ի միջև հակամարտության վերաբերյալ: «Մեր նման ժողովրդավարությունները ավելի ուժեղ և ապահով են, երբ մենք հարգում ենք պատերազմի օրենքը: Ուստի մենք կշարունակենք ճնշում գործադրել Իսրայելի վրա՝ խաղաղ բնակիչներին պաշտպանելու և մարդասիրական օգնության հուսալի հոսք ապահովելու համար։

Պենտագոնի ղեկավարը պատմել է քաղաքային միջավայրում կռվելու իր անձնական փորձի մասին, երբ նա կռվել է Իրաքում և ղեկավարել «Իսլամական պետության» դեմ արշավը: «Դասն այն չէ, որ դուք կարող եք հաղթել քաղաքային պատերազմում՝ պաշտպանելով խաղաղ բնակիչներին: Դասն այն է, որ քաղաքային պատերազմում դուք կարող եք հաղթել միայն խաղաղ բնակիչներին պաշտպանելով»,- ասել է նա: