Միացյալ Նահանգները հորդորում է Իսրայելին ավելի շատ վառելիք թույլ տալ հասցնել Գազայի հատված և դեռ պատրաստ չէ դատել, թե արդյոք Իսրայելը լսել է այդ գոտու խաղաղ բնակչությանը պաշտպանելու կոչերը: Այս մասին երկուշաբթի օրը կայացած ճեպազրույցում քննարկել է Պետդեպարտամենտի ներկայացուցիչը։

«Մենք հասկացրել ենք, որ կցանկանայինք, որ վառելիքի մատակարարումները վերսկսվեն և ոչ միայն նույն մակարդակով, ինչ հրադադարի ժամանակ, այլ նաև ավելի բարձր մակարդակով», - մեջբերում է գործակալությունը Պետդեպարտամենտի մամուլի քարտուղար Մեթյու Միլլերին:

Միլլերը լրագրողներին ասել է, որ Պետդեպարտամենտը կարծում է, որ դեռ վաղ է ասել, թե արդյոք Իսրայելը լսել է Գազայի հատվածում խաղաղ բնակիչներին պաշտպանելու ԱՄՆ կոչերը:

Ինչպես հաղորդում է Reuters-ը, Միլլերը որպես դրական իրադարձություն նշել է, որ Իսրայելն այժմ առնվազն առանձին տարածքներ տարհանելու կոչեր է անում, այլ ոչ թե մի ամբողջ քաղաք, ինչպես եղավ Գազայի դեպքում։