Քիմ Քարդաշյանը պլանավորում է գլխավոր դերը խաղալ Ռայան Մերֆիի նոր բազմասերիանոց նախագծում, այս մասին գրում է Deadline-ը։ Խոսքը մեծահասակ հանդիսատեսի համար նախատեսված «բարձրակարգ, փայլուն, սեքսուալ» սերիալի մասին է, որի սյուժեն ուղղված է իրավաբանների աշխատանքին:  

Քիմ Քարդաշյանը պատրաստվում է խաղալ Լոս Անջելեսում ամուսնալուծությունների մասին հաջողակ փաստաբանի դերը։ Նրա հերոսուհին փաստաբանական գրասենյակի ղեկավար է, որտեղ աշխատում են միայն կանայք։ Դեռևս անանուն շոուն նախատեսվում է սկսել 2024 թվականի վերջին և կինոթատրոններում ցուցադրել 2025 թվականին։ Սերիալի դերասանական կազմը դեռ ձևավորվում է։

Նախկինում Քիմ Քարդաշյանը նկարահանվել է American Horror Story շոուի 12-րդ եթերաշրջանում, որտեղ խաղացել է Էմմա Ռոբերթսի և Կարո Դելևինի կողքին։ Դրանից հետո հայտնի դարձավ, որ Քարդաշյանը խաղալու է «Հինգերորդ անիվը» կատակերգության գլխավոր դերում, որը ձեռք է բերել Netflix սթրիմինգ ծառայությունը։